Описание

💫🎹🎼🎤☀🎹🎼🎤💫🎹🎼🎤☀ Амма улууһуттан эдэр ырыаһыт Иван Удин аатын үйэтитэр өрөспүүбүлүкэтээҕи «Санаам тугу кэпсиирин, ырыа гынан ыллыыбын...» аһаҕас ырыа күрэҕин балаһыанньата. Чаҕылхай талааннаах Иван Удин Орто дойдуга төһө да кылгас олоҕу олорон аастар, дьон-сэргэ сүрэҕэр элбэх үтүөнү, сырдыгы, кэрэни хаалларбыта. Кини үтүө аатын үйэтитэр сыалтан төрөөбүт Амматын улууһугар Сэргэ-Бэс сэлиэнньэтигэр эдэр ыччакка аналлаах ырыа күрэҕэ 2-с төгүлүн ыытыллар. Тэрийээччилэр: - Сулҕаччы нэһилиэгин дьаһалтата; - Иван Удин төрөппүттэрэ, аймахтара; - Сулҕаччытааҕы Х.Максимов аатынан култуура киинэ уонна Сэргэ-Бэстээҕи филиала; Күнэ-дьыла: - От ыйын 13-14 күннэрэ, 2024 сыл Ыытыллар сирэ: - Амма улууһа Сэргэ-Бэс бөһүөлэгэ, Х.Максимов аатынан култуура киинин Сэргэ-Бэстээҕи филиала. Күрэх сыала: - Саха эстрадатыгар саҥа тахсан испит Иван Удин сырдык аатын үйэтитии. Соруктара: - Сахалыы эстраднай ырыаны ыччакка пропагандалааһын; - Эдэр ыччакка айар дьоҕурдарын, көхтөрүн үрдэтии, талааннарын арыйыы; Кыттааччыга ирдэбил: - Күрэххэ 18-35 сааһыгар дылы саастаах кыттааччы сольнай эстраднай ырыанан кыттар, ырыатын эт куолаһынан толорор; - Кыттааччы 1 ырыаны ыллыыр (ырыа темата, доҕуһуола көҥүл); - Сайаапка от ыйын 13 күнүгэр диэри serge-besklub@mail.ru электроннай аадырыска бэриллэр. - Кыттааччыттан – орг.взнос 500 солк. - Кыттааччы аһылыгын, айанын бэйэтэ уйунар, түһэр, хонор сир палатканан тэриллэр, сөптөөх утуйар таҥастаах кэлэрэ ирдэниллэр, миэстэтигэр аһылык атыыта тэриллэр. Сыаналанар: - Сыанаҕа ырыа ис айылгытын арыйар туттуу-хаптыы, көрөөччүлэри кытта үлэ; - Тупсаҕай таҥас-сап; - Толоруу таһыма; - Бэйэ уратыта (индивидуальность). Түмүк: Ырыа күрэҕин түмүгүнэн 👏🏻🤩🥳наҕарараадаланыахтара: 🌟 «Кылаан Чыпчаал» (Гран-при) 🌟 Үрдэл (лауреаты 1, 2, 3 ст.) 🌟 Үктэл (дипломанты 1, 2, 3 ст.)🌟 «Көрөөччүлэр биһирэбиллэрэ» уонна анал ааттар ааттаныллыахтара. Гран-при хаһаайына күрэх сүрүн спонсорыттан Иван Удин төрөппүттэриттэн 35 000 солкуобайы уу харчынан тутуоҕа.💥🥳😍👏🏻🎉🎊 Кыайыылаахтар добун суругунан, бирииһинэн наҕараадаланаллар. Хас биирдии кыттааччыга туоһу сурук туттарыллар. Билсэр телефоннаргыт: 89644281525 (ватсап) – Светлана Семеновна Федотова; 89245952214 (ватсап) - Мария Михайловна Удина (Иван Удин ийэтэ); 89245958452 (ватсап) – Жанна Григорьевна Максимова. Сайаапканы телефонунан биэриэххитин сөп, эбэтэр serge-besklub@mail.ru электроннай аадырыска ыытыаххытын сөп. Сайаапкаҕа кыттааччы толору аата, сааһа, ханнык улуустан сылдьара, ырыатын аата, ааптара. Түһэр сиргэ наадыйааччылар сайаапкаҕа хайаан да ыйаргыт ирдэнэр.